History Class
sa isang lumang klasrum
nagbabadya
ang tunog
ng isang sirang
eletricfan–
nanlalamig ang
kamay ng propesor,
walang patid
ang pagpunas
ng malagripong pawis.
Bumabalik ang mga memorya –
ang mga alingawngaw ng putok,
walang patid na sigaw
na sinasaliwan
ng mga hagupit ng latigo at
tunog ng hinihilang kadena.
Sa isang iglap nilamon
ng katahimikan ang lahat,
nahinto ang propesor–
takot na tinititigan ang mga labi
ng kanyang mga estudyante–
natutulog.
3-1-10
Mag-post ng isang Komento