Ata Ako Pusuanon

Muya ta kang kuguson
arog kan pagkugos kan bituon
sa kawaran, duman sa kadikloman

kun sain an satong mga puso
nag-uulay, garo mga kapay
nag-aawit, nagtatangis alagad

pirit pighihilom sa kinaban.
Mayo nin pakilabot an saldang
sa satong mga berso, daing nabago.
Siring sa dati an pagsirang, an paros

dai minapundo sa paghoyop, an salog
dara man giraray an gurangan ka’ning sulog
na daing sagkod aanodon an liwanag

kan bulan. Ay, nagtatangis palan
an mga bituon, nagtatangis mantang
kugos-kugos an madiklom na kalangitan.

Alagad yaon ako digdi, harayo
kun sain yaon ka. Hilnga na sana
an sakong kadiit na liwanag, nagkikibig-

5-28-11

Ipinaskil ni Jusan Misolas sa 2:42 AM 0 (mga) komento  

Mga etiketa: poem, rawitdawit, tula

tang pigtutukad
an dalan
kan paglingaw

sa mga agi-agi
mantang bagol an satong ngabil,

dai masayod
an mga bersong pigrorokyaw
kan satong nagsusumo-sumong hinangos.

Magigimata na sana kitang makulog
an satong payo:

mantang naghahadang-hadang
an mangirhat na dalan nin pagromdom.

4-28-11

Ipinaskil ni Jusan Misolas sa 2:47 AM 0 (mga) komento  

Mga etiketa: poem, rawitdawit, tula