(Errata:)
Nasala ako. Pirmi man. Bako ka palan itong aking sadit na dai pigtitino kan ako saday pa man. Ika man kaya sarasambit kana kan mga huring-huding nimo manunugod duman. Sorry ta namotan taka. Ay!, sala. Dai dapat. Turik talaga ko. Hamal talagang manghuhula 'to ta pighambugan ako. Putik! sayang kan si baynte. Sayang kan su mga hibi, nabubo kuta su mga halang na paroy kan bakasyon. Dae kuta nagadan. Nabubo lugod su mga notebook ko. Mari, hilnga ta biyo an pigbunga. Makangirhat nganing basahon. Dai kana. Sayang kan si pagkamoot. Nagkatuturubrag baga sa daga. Dai mo man sana namati.
Sorry ta pigraot ko su mga kagingking kan kudal nindo. In fairness, pusog dai lamang ko nakalaog. Mayong dudang maorag an naggibo. Kumusta mo na sana ko saiya. Mapagibo man kuta ko. Nasain na baya siya? Ay, dai na daw sana, mayo akong aram sa istorya. Sorry sa gabos. Turog na. Ta ako mahali na. Isasara ko na an tata. Mayo na an mga kikik. Nag-ontok na. Mayo nang tamong an bulan, pighali ko na. Pagmati ko kaya kakaipuhanon ko na. Dai na naghihibi an mga bituon, pigpatahan ko na. Mayo nang gira an daga, pigpa-bulldozer ko na. Mayo na siguro akong lalawgon na maipahihiling tanganing magluhod sa atubang mo asin hagadon an dipisil na kapatawadan. Puros tataramon man sana baga ako kaidto pa. Tataramon. Duros.
(ki ano)
7-7-10
Mag-post ng isang Komento