Gapo
Namundag akong
pigdudupaan
an mga gapo
na igwang
ngimot asin lawog,
asin ngunyan
nagimata akong
rinaratak
an mga ini,
mantang kinukugos
an duros
na haloy ko nang
dae nahihiling.
12-14-09
Lunes, Disyembre 14, 2009
Miyerkules, Disyembre 9, 2009
Pan(s)urat
sa kada sarong kurit
na binabayli
kan sakuyang mga kamot,
sarong ritwal
an sakuyang inaatang
sa diyos nin kagadanan.
sarong gawe nin paggadan
asin pagratak, an sakuyang
padikit-dikit na hinahaman.
na minakawsa kan pagbulos
nin dugo
hale sa sakuyang panurat.
12-9-09
Ipinaskil ni Jusan Misolas sa 9:07 AM 0 (mga) komento
Linggo, Disyembre 6, 2009
Pagkam(aw)oot
masakrot
an batag
na sakuyang
binutong
hale
sa sapad.
Kaya sakuya
ining niluwa
asin pinirit
na giraray
isumpay
sa tangkay
tanganing
ini padagos
na maghamis.
an batag
na sakuyang
binutong
hale
sa sapad.
Kaya sakuya
ining niluwa
asin pinirit
na giraray
isumpay
sa tangkay
tanganing
ini padagos
na maghamis.
Ipinaskil ni Jusan Misolas sa 9:14 AM 0 (mga) komento
Sabado, Disyembre 5, 2009
Requiescat
Pagtakig
an tuminambo
kan itinalbong
an mga aniningal
sa irarom
nin daga.
12-5-09Ipinaskil ni Jusan Misolas sa 9:16 AM 0 (mga) komento
Miyerkules, Disyembre 2, 2009
Cancion kan Huba
dae mo
pagtamongan
an huba
kong hawak.
ta dae ko man
namamate
an lipot.
embes,
saimo
akong hubaan-
dangan gision
an ultimong
tahob na
minasuway
sa satuyang
mga hawak
sa paagi kaini
duman ko lang
siguro
mamate na
ako saro saimo.
12-2-09
Ipinaskil ni Jusan Misolas sa 8:59 AM 0 (mga) komento
Lunes, Nobyembre 23, 2009
KUDAL
banggi kaidto kun suarin
anggot an saldang sa bulan
na nagkawsa sa paghibi kan kalangitan
asin daing ontok na pagbatok kan mga ayam
dangan nagsirip ako hale sa bintana
tanganing mahiling ko an mga nangyayari
duman namaanan ko an sarong gurang
na nakahigda sa atubangan kan samuyang kudal
basa-basa ini asin kadakul nin
rungas sa hawak, bitis, kamot asin payo
nagtatakig an saiyang bilog na hawak
na dara kan kulog, lanit asin lipot na mamamatean.
aram ko nahihiling niya ako
pigtuturukan kan saiyang mga abang mata
hilom an sarong mensahe na dae ko masayud
garo naghahagad tabang asin pagmakulog
nakikimaherak, nagtatangis asin natatakot.
sa tahaw kan pagherak asin pagmakulog
mayo man lamang akong naginibo
habo kaya ni tay ta baad daa
para-ikit ini na may tuyong maglaog sa harong
o kaya tawong lipod na gustong kaming linlangon
dyata magagadan man lang sana daa an gurang.
pagkaaga daing ontok an
pagbatok kan mga ayam
dangan nahimata ako buminuhat
asin luminuwas tanganing hahapon su gurang
nangalas ako ta mayo na siya duman
mga ayam na lang an nagsabat sakuya
nakatitiripon sa atubangan kan kudal
garo naghihiringhingan asin nag-uurulayan
an saindang mga pandok hilom an sarong mensaheng
dae ko masabotan, arog kaidtong sa gurang
nagseselebrar, nangigisog asin nagtatangis
nakapatos nin kolor pula.
anggot an saldang sa bulan
na nagkawsa sa paghibi kan kalangitan
asin daing ontok na pagbatok kan mga ayam
dangan nagsirip ako hale sa bintana
tanganing mahiling ko an mga nangyayari
duman namaanan ko an sarong gurang
na nakahigda sa atubangan kan samuyang kudal
basa-basa ini asin kadakul nin
rungas sa hawak, bitis, kamot asin payo
nagtatakig an saiyang bilog na hawak
na dara kan kulog, lanit asin lipot na mamamatean.
aram ko nahihiling niya ako
pigtuturukan kan saiyang mga abang mata
hilom an sarong mensahe na dae ko masayud
garo naghahagad tabang asin pagmakulog
nakikimaherak, nagtatangis asin natatakot.
sa tahaw kan pagherak asin pagmakulog
mayo man lamang akong naginibo
habo kaya ni tay ta baad daa
para-ikit ini na may tuyong maglaog sa harong
o kaya tawong lipod na gustong kaming linlangon
dyata magagadan man lang sana daa an gurang.
pagkaaga daing ontok an
pagbatok kan mga ayam
dangan nahimata ako buminuhat
asin luminuwas tanganing hahapon su gurang
nangalas ako ta mayo na siya duman
mga ayam na lang an nagsabat sakuya
nakatitiripon sa atubangan kan kudal
garo naghihiringhingan asin nag-uurulayan
an saindang mga pandok hilom an sarong mensaheng
dae ko masabotan, arog kaidtong sa gurang
nagseselebrar, nangigisog asin nagtatangis
nakapatos nin kolor pula.
11-23-09
Ipinaskil ni Jusan Misolas sa 9:21 AM 0 (mga) komento
Mag-subscribe sa:
Mga Post (Atom)
