Emperador
Nadakop ni mama su saray kong Emperador
na nakasuksok sa ruruskat kong durabox.
Makulog.
Dai niya man ngani ako piglatob
siring dai man pigbanog.
Giraray,
makulog.
Ta dai man lang kaya siya
nagdangog. Garo ako nabungog.
Giraray,
biyong makulog.
Dai niya man lamang kaya
pigdangog su mga urog-udog,
kan mga nakaaging bangguing:
maliwanagon na marhay an bulan.
08-21-10
Mag-post ng isang Komento