Ngayong Gabi Ako Ay Diyos
Nang gabi ring ito,
nakatabi ko ang mga diyos
sa Olympus habang pinagmamasdan ang pag-ikot
at pagbanggaan ng mga mundo, ng mga planeta’t
mga bitwin na wala nang ningning pagka’t ---
ngayong gabi ako ay diyos, walang kahit alabok
ang nakakatakas sa aking paningin. Wala nang talab
ang mga ulap, wala nang lakas upang tabingan ang liwanag
ng buwan at pagniniig ng aming diwa. Ngayong gabi
naanggkin ko ang mata ng diyos. Ngayong gabi nakita kong
magbanggaan ang dalawang mundo, natikman ang apdo
ng kanilang diyalogo, ng kanilang walang hanggang pagtutuos
natuog ako --- nakita ko kung paano lumutang sa kawalan
ang mga alabok, tila nangungusap ang kanilang sayaw, tumila --
muntik ko nang makalimutan, ngayong gabi ako ay diyos.
7 - 2 -11
Mag-post ng isang Komento